講到「基督徒」三隻字嘅時候，你會聯想到乜嘢呢？由細細嗰跟住爸爸媽媽番到大嘅教會？諗到裡面含有唔少人生智慧，應該多啲讀但喺又搵唔到決心打開嘅聖經？定喺一個可有可無嘅名稱呢？
如果真喺咁，有冇諗過點解世世代代嘅基督徒都會講：成為基督徒喺佢哋一生最好，最大，最喜悅，最興奮，令佢哋人生從此唔再一樣嘅決定呢？
如果呢嗰係你，唔使擔心，我都喺曾經掙扎過呢嗰問題嘅過來人。
身為第二代基督徒嘅我，出世之前已經返緊教會，嬰兒洗禮，嗰嗰禮拜日番主日學，之後番團契，大學過到黎英國咪繼續返囉，都成為左習慣啦。嗰陣時會諗：多一個#基督徒 嘅tag 無乜問題啊，there’s nothing to lose anyway…
但喺心底一直都有個不解：耶穌應許嘅喜樂喺邊度呢？豐富祝福喺邊度呢？豐盛生命又喺邊度呢？點解我依然仲喺悶悶不樂，孤單自卑，成日憂慮要靠自己能力爭取其他人嘅讚賞，徬徨人生路應該點樣行呢？我喺咪get 錯左，定喺get 少左啲乜嘢啊？
SEEC 對我黎講喺我屬靈生活嘅轉淚點，從中上帝籍著聖經嘅話語，詩歌，弟兄姊妹嘅交通，而且安靜靈修嘅時間俾我一個又一個嘅答覆，一個又一個嘅學習，每次營會完結嘅時候都喺滿滿咁離開（唔信我？你即管問下去過嘅弟兄姊妹啦～）
到左呢度，我想邀請你踏出信心嘅一步，報名黎到SEEC 2020 自己親身去經歷上帝嘅真實，自己黎尋找你一直想搵到嘅答案。
羅馬書8:28 「我們曉得萬事都互相效力，叫愛神的人得益處，就是按他旨意被召的人」上帝俾你咁遠黎到英國，我深深相信唔喺偶然嘅。
耶利米書 1:5 「我未將你造在腹中，我已曉得你； 你未出母胎，我已分別你為聖； 我已派你作列國的先知。」上帝從你我喺母胎成形之前，已經揀選左我哋作佢聖潔嘅子民，我哋亦都應該同我哋嘅呼召相稱，用一生事奉去回應上帝對我哋嘅愛。我亦都深深相信呢一切神嘅安排都唔喺偶然嘅。
誠意邀請你黎到SEEC 2020，一齊學習點樣活出《十架人生》嘅生活，期待見到你！
—————————
2020 十架人生 #seecuk #seec2020
Johnson_Bristol