耶穌對他說：你因看見了我才信；那沒有看見就信的有福了。約翰福音20：29
同唔少Committee一樣，其實我都只係參加過19年嘅SEEC。其實當時我見到committee們嘅艱辛同無私，特別記得自己組有其中一個委員，佢甚至每晚只係得半個鐘嘅時間同我地去相處，其他時間都係不停嘅去為到營會嘅順利進行而奔波，其實從嗰陣開始已經有感動去服侍呢一個營會。
好感恩大概上年嘅呢個時間我就收到邀請去成為委員會嘅一份子，當時其實既興奮不過又有好多憂慮，因為當時有太多嘅未知數，有好多嘅小信。不過感恩有聖靈嘅感動，弟兄嘅鼓勵，依家回頭望，其實過去嘅一年，雖然生活上有好多嘅改變同挑戰，但係睇到嘅係神足夠嘅恩典。跌跌撞撞嘅黎到今日，咁啱早兩日查經嘅時候，睇到Doubting Thomas多馬。往往生命上遇到未知嘅時候，其實我地每一個都會好似多馬咁，好容易懷疑神。
我相信參加SEEC同你以往人生好多決定一樣，我鼓勵你，去數算神過去嘅恩典再去踏出信心嘅一步。因為我相信 神已經將最好嘅預備比你。當你回頭望既時候，見到既將會係滿滿嘅恩典滿滿嘅祝福。
最後鼓勵睇到嘅每一位，快d去報名啦，希望可以係營會見到你！